މިކައުންސިލުން ދޭ މަޢުލޫމާތާއި އެއްގޮތަށް ވޭސްޓް މެނޭޖްމަންޓް ސެންޓަރުގައި ކުނިވާޒާތުގެ ކުނި އެންދުމަށް ބޭނުންވާ އިންސިނަރޭޓަރއެއް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ.

ހަނިމާދޫ ކައުންސިލްގެ ވޭސްޓް މެނޭޖްމަންޓް ސެންޓަރުގެ ބޭނުމަށް އިންސިނަރޭޓަރއެއް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ.

މިކައުންސިލުން ދޭ މަޢުލޫމާތާއި އެއްގޮތަށް ވޭސްޓް މެނޭޖްމަންޓް ސެންޓަރުގެ ބޭނުމަށް ލޯޑަރެއް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ.

ހަނިމާދޫ ކައުންސިލްގެ ވޭސްޓް މެނޭޖްމަންޓް ސެންޓަރުގެ ބޭނުމަށް ލޯޑަރެއް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ.

ސުރުޙީގައި ބަޔާންކުރެވުނު ފަތުރުވެރިކަން ހަނިމާދޫ އަށް "ހަނިމާދޫ އޭސް އަ ޑެސްޓިނޭޝަން"، ފަތުރުވެރިކަމުގެ ދާއިރާގެ ހުރިހާ ވިޔަފާރިތަކެއް އެއް ފުރާޅެއްގެ ދަށުން މާރކެޓް ކުރުމާއި މިކަމަށް ޕްލެޓް ފޯމެއް އުފެއްދުމާއި 1447 ވަނަ އަހަރުގެ އަލްޙާ ޢީދު އަދި ފިތުރު ޢީދު ހަނިމާދޫގައި ފާހަގަ ކޮށްދޭނެ ފަރާތެއް ހޯދަން މިކައުންސިލުން  ބޭނުންވެއްޖެއެވެ.

ފަތުރުވެރިކަމުގެ މަންޒިލެއްގެ ގޮތުގައި ހަނިމާދޫ އިސްތިހާރުކުރުމާއި ފިތުރު އަދި އަޟުޙާ ޢީދު ހަނިމާދޫގައި ފާހަގަ ކުރުން.

ތަރައްޤީގެ ޕްލޭނަށް ޢަމަލީ ސިފަ އަންނަމުންދާ ގޮތުގެ ރިޕޯޓް

ހަނިމާދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ފުރަތަމަ ހަމަސް ދުވަހުގެ ރިޕޯޓް 2025

ޑިވެލޮޕްމަންޓް ޕްލޭން ޕޮރޮގްރެސް ރިޕޯޓް (ސެޕްޓެމްބަރ އަދި އޮކްޓޯބަރ 2025)

1447 ރޯދަ ހަދިޔާއާއި ގުޅޭ

މަޢޫލޫމާތައްޓަކައި ޙިއްސާކޮށްލަމެވެ. 

ސަރުކާރުން ހިންގާ 20 އަހަރު ދުވަަހުގެ ތަރައްްޤީގެ ޕްލޭންތައް ތައްޔާރު ކުރުމަށް ސަރުކާރުން ޙަވާލު ކޮށްފައިވާ ފަރާތުން ބޭއްވުމަށް ބޭނުންވާ ރައްޔިތުންގެ މަޝްވާރާ ބައްދުލުވުން ”ކުރިމަގުސައްލާ“ ގައި ބައިވެރިވުމަށް ހުރިހާ ރައްޔިތުންނަށް ދައުވަތު ދެއްވަމެވެ.

ހަނިމާދޫ ތަރައްޤީގެ ޕްލޭންއަށް ޢަމަލީ ސިފަ އަންނަމުންދާ ގޮތުގެ ރިޕޯޓް - ޖުލައި އަދި އޮގަސްޓް 2025

ހަނިމާދޫ ކައުންސިލްގެ ފުޓްބޯޅަ މުބާރަތް 2025 ހިންގައިދޭނެ ފަރާތެއް ހޯދަންބޭނުންވެއްޖެއެވެ.

               މިކައުންސިލުންދޭ މަޢުލޫމާތާއި އެއްގޮތަށް ހަނިމާދޫ ކައުންސިލްގެ ފުޓްބޯޅަ މުބާރާތް 2025 ހިންގައިދޭނެ ފަރާތެއް ހޯދަން ބޭނުން ވެއްޖެއެވެ.

               ވީމާ، މި ކަމަށް އަންދާސީ ހިސާބު ހުށަހެޅުއްވުމަށް ޝައުޤުވެރިވެލައްވާ  ފަރާތްތަކުން ތިރީގައި ދެންނެވިފައިވާ ގޮތުގެ މަތީން މަޢުލޫމާތު ސާފުކޮށް އަންދާސީ ހިސާބު ހުށައެޅުއްވުންއެދެމެވެ.

މަޢުލޫމާތު ސާފުކުރުން

 10 ސެޕްޓެމްބަރ 2025 (ބުދަ)

ހެނދުނު 11:30 / ހދ ހަނިމާދޫ ކައުންސިލް އިދާރާގެ ޖަލްސާ މާލަމް

އަންދާސީ ހިސާބު ހުށައެޅުން އަދި ހުޅުވުން

 22 ސެޕްޓެމްބަރ 2025 (ހޯމަ)

ހެނދުނު 11:00 / ހދ ހަނިމާދޫ ކައުންސިލް އިދާރާގެ ޖަލްސާ މާލަމް

އަންދާސީ ހިސާބު ހުށައެޅުއްވުމަށް ވަޑައިގަންނަވާ ކޮންމެ ފަރާތަކުންވެސް ހުށައެޅުއްވޭނީ 1 (އެކެއް) އަންދާސީ ހިސާބެވެ. އަންދާސީ ހިސާބު ހުށައެޅުއްވުން އޮންނާނީ ހަނިމާދޫ ކައުންސިލް އިދާރާގެ ޖަލްސާކުރާ މާލަމްގައިއެވެ. އަންދާސީ ހިސާބު ހުށައެޅުއްވޭނީ މިނިސްޓްރީ އޮފް އިކޮނޮމިކް ޑިވެލޮޕްމެންޓްގައި، ވިޔަފާރި ރަޖިސްޓްރީ ކޮށްފައިވާ އަދި މިބީލަމުގައި މަޢުލޫމާތު ސާފުކޮށް ރަޖިސްޓަރީވި ފަރާތްތަކަށް އެކަނި ކަމުގައި ދަންނަވަމެވެ. އަދި ކަނޑައެޅިފައިވާ ގަޑީގެ ފަހުން ގެންނަ އަންދާސީ ހިސާބުތައް ހުށައެޅުމުގެ ފުރުސަތެއް ނުދެވޭނެއެވެ.

             ވިމާ، މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.

ހަނިމާދޫ ކައުންސިލްގެ ފުޓްބޯޅަ މުބާރަތް 2025 ހިންގައިދޭނެ ފަރާތެއް ހޯދަންބޭނުންވެއްޖެއެވެ

ހަނިމާދޫ ކައުންސިލް އިދާރާ

Hanimaadhoo Council 

ހަނިމާދޫ ސިއްޙީ މަރުކަޒު

Hanimaadhoo Health Center 

Providing Electricity , water & sewerage service.

ފެނަކަ ކޯޕޮރޭޝަން

ފެނަކަ ހަނިމާދޫ 

ހަނިމާދޫ ސްކޫލް

ތިލަދުންމަތީ ދެކުނުބުރީ ހަނިމާދޫ ކައުންސިލްގެ އިދާރާ

މިރަށުގައި ބައިނަލްއަޤްވާމީ ވައިގެ ބަނދަރެއް ޤާއިމުކޮށްފައި ވުމުން އެބަނދަރުގެ ފަހިކަން މިސަރަޙައްދުގެ ދަތުރުވެރިންނަށާއި ފަތުރުވެރިންނަށް ލިބެމުން ދެއެވެ. އަދި އެ ބަނދަރު ތަރައްޤީ ކުރުމުގެ މާސްޓަރ ޕްލޭންއެއް ސަރުކާރުން އިޢުލާން ކޮށްފައިވެއެވެ. ޒަމާނީ ފެންވަރަށް ބޮޑެތި ބޯޓު ފަހަރު ޖެއްސޭނެ ގޮތަށާއި ޒަމާނީ ފަހުގެ ވަސީލަތްތަކާއިއެކު ވައިގެ ބަދަރު ތަރައްޤީ ކުރުމުގެ އަމަލީ މަސައްކަތް މިހާރުވަނީ ފަށާފައެވެ. މިރަށުގައި ފަތުރުވެރިންނަށް އަމާޒުކޮށް ސިޓީ ހޮޓަލަކާއި 11 ގެސްޓްހައުސް ހިންގަމުން ދާކަން ފާހަގަކޮށްލަމެވެ. ސްނޯކްލިންގ، ޑައިވިންގ، މޫދު ކުޅިވަރުތައް އަދި ސްޕޯރޓް މަސްވެރިކަމާއި ފޮޓޯ ނެގުން ފަދަ ހިދުމަތްތައް މިރަށުގައި ފަތުރުވެރިންނަށް އަމާޒުކޮށް ދެމުން ގެންދެއެވެ. 
ލަފާ ފުރުމަށްޓަކައި 1200 ފޫޓް ދިގު 300 ފޫޓް ފުޅާ ބަނދަރެއްގެ މަސައްކަތާއި ފެރީ ޓާރމިނަލެއް ތަރައްޤީ ކުރުމުގެ މަސައްކަތް މިވަގުތު ކުރެވެމުންދެއެވެ. ބަދަރުގައި 2 ފަންގިފިލާއަށް މަސް މާރު ކޭޓެއް ރެސްޓޯރެންޓަކާއި އެކު ގާއިމްކުރެވިފައި ވެއެވެ. ބަދަރުގެ ސަރަހައްދުގައި ލޯކަލް މާރުކޭޓެއް އެޅުމުގެ ވިސްނުން ކައުންސިލުން ގެންގުޅެއެވެ. ޑީސަލާއި ޕެޓްރޯލް ލިބޭނެ އިންތިޒާމް ބަނދަރުގައި ގާއިމްކުރެވި، ބަނދަރު ސަރަހައްދުން ވިޔަފާރިތަކަށް ބިން ދޫކުރެވިފައި ވެއެވެ. ޒަމާނީ ފެންވަރަށް ބައެއް މަގުތައް ހެދުމުގެ މަސައްކަތް ސަރުކާރުން ކުރަމުން އެބަދެއެވެ. ފުލުހުންގެ ހިދުމަތް ދިނުމަށް (ޕޮލިސް ސްޓޭޝަނެއް) ކައުންސިލްގެ އިމާރާތެއްގައި ދެމުންދެއެވެ. އަދި ޕޮލިސް ސްޓޭޝަނެއް އެޅުމަށް 2022 ވަނަ އަހަރުގެ ސަރުކާރުގެ ބަޖެޓްގައި ހިމަނާފައިވެއެވެ. ކަސްޓަމްސްގެ އޮފީހެއް ގާއިމު ކުރެވިފައި ވެއެވެ. ކަރަންޓްގެ ހިދުމަތް ފެނަކަ ކޯޕަރޭޝަންގެ ފަރާތުން 24 ގަޑިއިރު ދެމުން ގެންދެއެވެ.  
މިރަށުގައި ހެލްތުސެންޓަރެއް ހުރެއެވެ. އެސެންޓަރުގައި  ޑޮކްޓަރުން ތިއްބަވާއިރު އެތަނުން 24 ގަޑިއިރުގެ ޞިއްޙީ ޚިދުމަތް ރައްޔިތުންނަށް ދެމުންގެންދެއެވެ. 2022 ވަނަ އަހަރުގެ ދައުލަތުގެ ބަޖެޓްގައި ހޮސްޕިޓަލެއް އެޅުމަށް ސަރުކާރުން ނިންމާފައިވާކަން އުފަލާއެކު ފާހަގަ ކުރަމެވެ. މަސްތުވާތަކެއްޗަށް ދެވި ހިފާފައިވާ ފަރާތްތަށް އެ ވަބާއިން ސަލާމަތްކޮށް ފަރުވާދިނުމަށް ޑިޓޮކްސިފިކޭޝަން ސެންޓަރެއް ގާއިމް ކުރެވި ހިދުމަތް ދެމުން ދެއެވެ.  
ހަނިމާދޫ ސްކޫލްގައި ފައުންޑޭޝަން ސްޓޭޖް ކްލާސްތަކުން ފެށިގެން ގްރޭޑް 10 އަށް ކިވައިދެމުން ގެންދެއެވެ. އަދި ހަނިމާދޫ ޒުވާނުންގެ ޖަމިއްޔާއިން ރައްޔިތުންގެ އެދުމަށް ހިންގާ ޕްރީ ސްކޫލެއް މިރަށުގައި ހުރެއެވެ. އިސްލާމިކް ޔުނިވަރސިޓީގެ ފަރާތުން ހިންގާ ލާރނިންގ ސެންޓަރެއް ބާ ސްކޫލުގެ އިމާރާތުގައި ހިދުމަތް ދެމުން އަދި އެތަން އިތުރަށް ތަރައްޤީ ކުރުމުގެ މަސައްކަތް ފަށާގެން ކުރިއަށް އެބަ ގެންދެއެވެ. ދަނޑުވެރިކަން ކުރުމަށާއި 
ދަނޑުވެރިކަމާއި ގުޅޭ އެކި ހަރަކާތްތައް (އީޖާދީ ތަހްލީލްތައް ކުރުމާއި ހުނަރު ދަސްކޮށް ދިނުމަށް) ހިންގުމަށް 315637.00 އަކަފޫޓްގެ ބޮޑު ބިމެއް މިނިސްޓްރީ އޮފް ފިޝަރީޒް އެންޑް އެގްރިކަލްޗަރ އަށް ދޫކޮށްފައިވެއެވެ. 
މިރަށަކީ ބިމުގެ ގޮތުން ތަނަވަސް ބޮޑެތި އިންވެސްޓަރުންނަށް އިންވެސްޓްކުރުމަށް ބިންދޫކުރެވިދާނެ ރަށެކެވެ. މިގޮތުން މިރަށުން  މިހާރުވެސް 288000 އަކަފޫޓްގެ ބިން ދޫކުރެވިފައިވެއެވެ. މިރަށުގައި ނަރުދަމާ ނިޒާމެއް ޤާއިމުކުރެވި ސަޕްލައި ފެން ގޭބިސީ ތަކަށް ދޫކުރެވިފައި ވާކަން ފާހަގަ ކުރެވެއެވެ. ރަށު ފެންވަރުގައި  ކުނި ނައްތާލުމުގެ މަސައްކަތްތައް ފެށި ކުރިއަށް ދާކަން އުފަލާއެކު ފާހަގަކުރަމެވެ. މިކަމަށްޓަކައި ވެހިކަލްތަކާއި އަދި އެހެނިހެން އާލާތްތައް ކައުންސިލުން ހޯދާފައިވެއެވެ. 
މިރަށުގެ ގިނަ ޒުވާނުން އާންމުކޮށް ކުޅޭ ކުޅިވަރީ ފުޓްބޯޅައެވެ. ފުޓްބޯޅަ ކުޅުމަށް ވިނަދޫލަ އަދި މެޓުން ފުޓްސަލް ދަނޑުތައް އެޅި ޒުވާނުން ބޭނުން ކުރަމުން ދެއެވެ. މިހާރު އޮތް ފުޓްބޯޅަ ދަނޑު ވިނަ އިންދާ ފެހިކުރުމުގެ މަސައްކަތް ފެށި ކުރިއަށް ދާކަން ފާގަކުރެވެއެވެ. ހަނިމާދޫ އިޖްތިމާއީ މަރުކަޒުން ޒުވާނުންނަށް ބައެއް ކަހަލަ ކުޅިވަރުތައް އެތަނުގައި ކުޅެވޭނެ އިންތިޒާމުތައް ހަމަޖެހިފައިވެއެވެ. ސަރުކާރުން މިރަށުގައި ބަށިކޯޓެއް ގާއިމުކޮށްދީފައިވެއެވެ. ރަށުގައި ދިރިއުޅޭ ބިދޭސީން ކުރިކެޓާއި ބެޑްމިންޓަން ފަދަ ކުޅިވަރުތައް ކުޅެ ހަދައެވެ. މިފަދަ ބައެއް ކުޅިވަރު ތަކުގައި ބިދޭސީންނާއި ރަށުގެ ރައްޔިތުން ކޮންމެވެސް ވަރަކަށް ބައިވެރި ވަމުން ދާކަން ފާހަގަ ކުރެވެއެވެ. މިއުޒިކާއި ބޮޑުބެރު ޖެހުންފަދަ ކުޅިވަރުތައް މިރަށުގެ ރައްޔިތުން ކުޅެމުން ދެއެވެ. މިގޮތުން ކެތިއަރާ ޖަމިއްޔާގައި ބޮޑުބެރު ގުރޫޕެއް ހަރަކާތްތެރިވާއިރު މިއުޒިކް ބޭންޑެއް އެކުވެރި ބޭންޑުގެ ނަމުގައި ހަރަކާތް ތެރި ވާކަން ފާހަގަ ކުރަމެވެ. 
މިރަށަކީ ވަރަށް ބޮޑަށް ރަށްގިރުމުގެ މައްސަލަދިމާވެފައިވާ ރަށެކެވެ. ރަށްގިރުމުގެ މައްސަލަ ހައްލު ކުރުމަށް ކައުންސިލާއި ސަރުކާރާ ދެމެދު މަޝްވަރާ ކުރެވި މިކަމަށް ހައްލު ހޯދުމުގެ މަސައްކަތް ކުރެވެމުން ދެއެވެ. މިސަރަޙައްދުގެ ތިމާވެއްޓަށް އަންނަ ބަދަލުތައް ދިރާސާކޮށް ދެނެގަތުމަށްޓަކައި މިރަށުގެ  އުތުރުކޮޅުގައި ކްލައިމެޓް އޮބްޒަވޭޓްރީއެއް ގާއިމުކޮށް، މޫސުމަށް  އަންނަބަދަލުތައް ދިރާސާ ކުރަމުންދެއެވެ. 
ސަރުކާރުގެ އެއްފަސްކުރުމުގެ ސިޔާސަތުގެދަށުން 1999 ވަނަ އަހަރު ހދ. ހޮނޑައިދޫ ރައްޔިތުން އަދި 2007 ވަނަ އަހަރު ހއ. ހަތިފުށީ ރައްޔިތުން މިރަށަށް ބަދަލުކޮށްފައި ވެއެވެ. ސަރުކާރު އެދިލެއްވުމަށް އެކިއެކި ރަށްރަށުގެ މީހުންނަށް ގޯއްޗާއި ހައުސިންގ ޔުނިޓްތައް ކައުންސިލުން ދީފައިވެއެވެ. އެހެންކަމުން ހަނިމާދޫއަކީ ތަފާތު އެކި ރަށްރަށުގެ މީހުން ވަޒަންވެރިވެ އެކުވެރި ކަމާއެކު ދިރިއުޅެމުންދާ ކުށްމަދު ރަށެއްކަން އުފަލާއެކު ފާހަގަ ކުރަމެވެ.


ކުރިއަށް އޮތް 1447 ވަނަ އަހަރުގެ ބަރަކާތްތެރި ރަމަޟާން މަހު ހަނިމާދޫގެ ދެ މިސްކިތެއްގައި ތަރާވީޙް ނަމާދު ކުރުމަށްޓަކައި ބޭރުގެ ހާފިޒުން ގެނައުމުގެ މަސައްކަތް "ދާލަ" އާ ހަވާލުކޮށްފިއެވެ.

މި އެއްބަސްވުމުގައި ސޮއިކުރުމުގެ ރަސްމިއްޔާތު ބާއްވާފައިވަނީ 06 ޖަނަވަރީ 2026 ގައެވެ.  މި މަސައްކަތުގެ ދަށުން ހާފިޒުން ގެނައުމަށް ހަމަޖެހިފައިވަނީ ކައުންސިލްގެ ބެލެނިވެރިކަމުގެ ދަށުން ހިންގާ މަސްޖިދުލް މޫސާ އަލީ އާއި މަސްޖިދުލް ތައުބާއަށެވެ. މި އެއްބަސްވުމުގެ ދަށުން ދެ މިސްކިތަށް 01 ހާފިޒުން ގެނައުމަށް ވަނީ ހަމަޖެހިފައެވެ. މި މަސައްކަތް ދާލަ އާ ހަވާލުކޮށްފައިވަނީ ޖުމްލަ 99,500 (ނުވަދިހަ ނުވަހާސް ފަސްސަތޭކަ) ރުފިޔާއަށެވެ. އަދި ހާފިޒުންގެ ހިދުމަތް ދިނުމަށް ހަމަޖެހިފައިވަނީ 1447 ވަނަ އަހަރުގެ ރަމަޟާން މަހުގެ 1 ވަނަ ދުވަހުން ފެށިގެން އެ މަހުގެ ނިޔަލަށެވެ.

ހަނިމާދޫ ކައުންސިލުން އަބަދުވެސް މަސައްކަތް ކުރަމުންދަނީ ރަށުގެ ދީނީ ކަންކަން ކުރިއެރުވުމަށާއި، ރަމަޟާން މަހުގެ ފުރިހަމަ ސަވާބާއި ދަރުމަ ހޯދުމަށް ރައްޔިތުންނަށް ބޭނުންވާ އެންމެހައި އިންތިޒާމުތައް ފުރިހަމަކޮށްދިނުމަށެވެ.

ރަމަޟާން މަހު ތަރާވީޙް ނަމާދުކުރުމަށް ހާފިޒުން ގެނައުމަށް "ދާލަ" އާ ހަވާލުކުރުން. 

ރޯދަމަހަށް މިސްކިތްތައް މަރާމާތުކުރުމަށް ބީތްރީ ކުންފުންޏާ ހަވާލުކުރުން. 

ހދ. ހަނިމާދޫގައި އަލަށް އުފައްދާފައިވާ ދީނީ ޖަމިއްޔާއެއް ކަމަށްވާ "ހަނދުމަ ޖަމިއްޔާ" ގެ ބޭފުޅުން، 2025 ޑިސެމްބަރު 02 ވީ އަންގާރަ ދުވަހު ހަނިމާދޫ ކައުންސިލާ ބައްދަލުކޮށްފިއެވެ. މި ބައްދަލުވުން ބާއްވާފައިވަނީ ހަނިމާދޫ ކައުންސިލް އިދާރާގައެވެ.

ހަނދުމަ ޖަމިއްޔާއަކީ ހަނިމާދޫގެ ރައްޔިތުންގެ މެދުގައި ދީނީ ހޭލުންތެރިކަން އިތުރުކޮށް، އިސްލާމީ ޢިލްމު ފެތުރުމުގެ މަޤްސަދުގައި އަލަށް އުފައްދާފައިވާ ޖަމިއްޔާއެކެވެ. މި ބައްދަލުވުމުގައި ޖަމިއްޔާގެ ބޭފުޅުން ވަނީ ކުރިއަށް ގެންދިއުމަށް ރާވާފައިވާ ތަފާތު ދީނީ ޕްރޮގްރާމްތަކާ ބެހޭ މައުލޫމާތު ކައުންސިލާ ހިއްސާކޮށްފައެވެ.

ހަނދުމަ ޖަމިއްޔާއިން ހިންގަން ނިންމާފައިވާ ޕްރޮގްރާމްތަކުގެ ތެރޭގައި ދީނީ ދަރުސް ޕްރޮގްރާމްތަކާއި، ކީރިތި ޤުރުއާން ހިފްޒުކުރުމުގެ ޕްރޮގްރާމްތައް ހިމެނެއެވެ. މީގެ އިތުރުން، އިސްލާމީ ޝަޢާއިރުތަކުގެ ތެރޭގައި ހިމެނޭ ބަންގި ގޮވަން ދަސްކޮށްދިނުމުގެ ޕްރޮގްރާމެއްވެސް ހިންގުމަށް ނިންމާފައިވާކަން ޖަމިއްޔާގެ ބޭފުޅުން ފާހަގަކުރެއްވިއެވެ. މިނޫނަސް އެހެނިހެން ދީނީ ޕްރޮގްރާމްތައްވެސް ހިންގުމަށް ރާވާފައިވާކަމަށް އެބޭފުޅުން ހާމަކުރެއްވިއެވެ.

މި ބައްދަލުވުމުގައި ހަނިމާދޫ ކައުންސިލުން ވަނީ ހަނދުމަ ޖަމިއްޔާއިން ކުރިއަށް ގެންދާ މިފަދަ ދީނީ މުހިންމު މަސައްކަތްތަކަށް ފުރިހަމަ އެއްބާރުލުމާއި އެހީތެރިކަން ދިނުމަށް ޔަގީންކަން ދީފައެވެ. ކައުންސިލުން ފާހަގަކުރެއްވީ ރަށުގެ ދީނީ ކުރިއެރުމަށާއި މުޖުތަމަޢުގެ ރަނގަޅު އަޚްލާޤީ ދިރިއުޅުމަކަށް މިފަދަ ޖަމިއްޔާތަކުގެ ދައުރު މުހިންމު ކަމަށާއި، މިފަދަ މަސައްކަތްތަކަށް ކައުންސިލް އަބަދު

ވެސް އެހީތެރިވާނެ ކަމަށެވެ.

ހަނިމާދޫގައި އަލަށް އުފެދުނު ދީނީ ޖަމިއްޔާ، ހަނދުމަ ޖަމިއްޔާއިން ކައުންސިލާ ބައްދަލުކުރުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ "އެއްމިލިއަން ގަސް އިންދުމުގެ" ސިޔާސަތުގެ ދަށުން، ހަނިމާދޫ ކައުންސިލުން ވަނީ 2025 ވަނަ އަހަރުގެ އޮކްޓޯބަރު މަހުގެ 26 ވަނަ ދުވަހު،  ރަށުގެ އެކި ސަރަހައްދުގައި 50 ބަނބުކެޔޮ ގަސް އިންދާފައެވެ. މި ހަރަކާތަކީ ރައީސުލްޖުމްހޫރިއްޔާގެ ވައުދުފުޅު ފުއްދުމަށް އިސްނަގައިގެން ކުރިއަށް ގެންދިޔަ މުހިންމު ޕްރޮގްރާމެކެވެ. މި ގަސްތައް ހަދިޔާކޮށްފައިވަނީ ހަނިމާދޫ އެގްރިކަލްޗަރ ސެންޓަރުންނެވެ. 

ހަނިމާދޫ ކައުންސިލުން މި ޕްރޮގްރާމް ހިންގާފައިވަނީ ރަށުގެ ތިމާވެށި ރައްކާތެރިކުރުމާއި، ގަސްގަހާގެހި ގިނަކުރުމުގެ މަޤްސަދުގައެވެ. އިންދި 50 ބަނބުކެޔޮ ގަހަކީ ރަށުގެ ތަފާތު ސަރަހައްދުތަކާއި، އާންމު ތަންތަނުގައި އިންދާފައިވާ ގަސްގަހެވެ. މި ގަސްތަކަކީ ތިމާވެއްޓަށް ފައިދާހުރި ގަސްތަކެއްގެ އިތުރުން، ރަށުގެ ރައްޔިތުންނަށް ދިގު މުއްދަތުގައި ކާނާގެ ބޭނުންތަކަށް ވެސް ފައިދާކުރާނެ ގަސްތަކެކެވެ.

ރައީސުލްޖުމްހޫރިއްޔާ ޑރ. މުޢިއްޒުގެ "އެއްމިލިއަން ގަސް އިންދުމުގެ" ވައުދުފުޅަކީ ދިވެހިރާއްޖޭގެ ތިމާވެށި ހިމާޔަތްކޮށް، ގަސްގަހާގެހި ގިނަކުރުމަށް އަމާޒުކޮށްފައިވާ ދުރުވިސްނޭ ސިޔާސަތެކެވެ. މިއީ ރާއްޖޭގެ ރަށްތަކުގެ ހިތްފަސޭހަކަން އިތުރުކޮށް، ޤުދުރަތީ ރީތިކަން ހިފަހައްޓައި، ތިމާވެއްޓަށް އަންނަ ބަދަލުތަކާ ކުރިމަތިލުމަށް ކުރާ މަސައްކަތެކެވެ. 

ކައުންސިލުން ބުނީ، މި ޕްރޮގްރާމްގެ ދަށުން ގަސް އިންދުމުގެ އިތުރުން، ގަސްތައް ރައްކާތެރިކޮށް ބެލެހެއްޓުމަށް ވެސް ޚާއްސަ ސަމާލުކަމެއް ދޭނެ ކަމަށެވެ. މީގެ ސަބަބުން މިހާރު އިންދާފައިވާ ބަނބުކެޔޮ ގަސްތައް ބޮޑުވެ، އެ ގަސްތަކުގެ ފައިދާ ރަށުގެ ރައްޔިތުންނަށް ލިބޭނެ ކަމަށް އުންމީދު ކުރެވެއެވެ.

ހަނިމާދޫ ކައުންސިލުން ރައީސުލްޖުމްހޫރިއްޔާގެ އެއްމިލިއަން ގަސް އިންދުމުގެ ވައުދު ފުއްދުމަށް 50 ބަނބުކެޔޮ ގަސް އިންދައިފި

ހަނިމާދޫ ކައުންސިލުން ކޮންމެ އަހަރަކުވެސް ބާއްވަމުން އަންނަ  ޤުރުއާން މުބާރާތް ހިންގައިދޭނެ ފަރާތެއް ހޯދުމަށް ހުޅުވާލި ބިޑް ކާމިޔާބުކުރި 'ޑްރާފްޓް އެންޑް ކްރާފްޓް' އާއި މި މަސައްކަތް ހަވާލުކުރުމުގެ އެއްބަސްވުމުގައި 13 އޮކްޓޯބަރ 2025 ވީ ހޯމަ ދުވަހުގައި ސޮއެކޮށްފިއެވެ. 

މި މުބާރާތަކީ ހަނިމާދޫ ކައުންސިލުން ރަށުގެ  ސްކޫލް ކުދިންނަށް  ޤުރްއާނާ ގުޅުންހުރި އިލްމާއި ހުނަރު އިތުރުކުރުމުގެ މަޤްސަދުގައި ކުރިއަށް ގެންދާ މުހިންމު މުބާރާތެކެވެ. މި މަސައްކަތް ބިޑްކޮށް 'ޑްރާފްޓް އެންޑް ކްރާފްޓް' އާ ހަވާލުކޮށްފައިވަނީ 149,900/-ރ (އެއްލައްކަ ސާޅިސް ނުވަހާސް ނުވަސަތޭކަ ރުފިޔާ) ގެ އަގަށެވެ. 

'ޖަވާހިރުލް ޤުރްއާން މުބާރަތް 1447' ކުރިއަށްގެންދުމަށް ހަމަޖެހިފައިވަނީ 2025 ވަނަ އަހަރުގެ އޮކްޓޯބަރ މަހުގެ 17 ވަނަ ދުވަހާއި 18 ވަނަ ދުވަހުއެވެ. މި މުބާރާތުގެ މައިގަނޑު މަޤްސަދަކީ ޤުރްއާން ކިޔެވުމަށާއި، ޤުރައާނުގެ މުޤައްދަސް ކަލިމަފުޅުތަކަށް ޅޯބިޖެއްސުމަށް ސްކޫލް ދަރިވަރުން ބާރުއެޅުމެވެ. އަދި ޤުރްއާނުގެ ހިދާޔަތުން ދިރިއުޅުުގެ ކަންކަން ބައްޓަންކުރުމަށް ހިތްވަރުދިނުމެވެ. 

ހަނިމާދޫ ކައުންސިލުން އުންމީދުކުރަނީ މި މުބާރާތުގެ ސަބަބުން ސްކޫލް ކުދިންގެ މެދުގައި ޤުރުއާން ކިޔެވުމުގެ ރޫހު އިތުރަށް އާލާވެ، ދީނީ ރޮނގުން އެ ކުދިންނަށް ފައިދާކުރުމަށެވެ.

ހަނިމާދޫ ކައުންސިލްގެ ޖަވާހިރުލް ޤުރުއާން މުބާރާތް 1447 ހިންގުމުގެ މަސައްކަތް 'ޑްރާފްޓް އެންޑް ކްރާފްޓް' އާ ހަވާލުކުރުން

ހދ. ހަނިމާދޫގައި އައިޑީ ކާޑު ޕްރިންޓްކޮށް ދޫކުރުމުގެ ޚިދުމަތް 04 އޮކްޓޯބަރ 2025 ވަނަ ދުވަހު ރަސްމީކޮށް ފަށައިފި އެވެ. މި ޚިދުމަތް އިފްތިތާހުކޮށްދެއްވީ މިނިސްޓަރު އޮފް ސްޓޭޓް އަބްދުލްމަޖީދު އިބްރާހީމެވެ. މި ޚިދުމަތް ފެށުމާއެކު، ހަނިމާދޫގެ ރައްޔިތުންނަށާއި، ކައިރި ރަށްރަށުގެ ރައްޔިތުންނަށް ވެސް  އައިޑީ ކާޑު ހައްދައި، ޕްރިންޓް ކުރުމުގެ އިންތިޒާމު މިވަނީ ހަމަޖެހިފަ އެވެ.

މި ޚިދުމަތް ހަނިމާދޫގައި ފެށިފައިވަނީ، ދިވެހިރާއްޖޭގެ ރައީސް ޑރ. މުޙައްމަދު މުޢިއްޒު ހަނިމާދޫއަށް ކުރެއްވި ދަތުރުފުޅެއްގައި، އެ ރަށުގެ ރައްޔިތުންނަށް މި ޚިދުމަތް ފަށްޓަވައިދެއްވާނެ ކަމަށް ވައުދުވެވަޑައިގެންނެވިތާ 39 ދުވަހުގެ ކުރު މުއްދަތުގެ ތެރޭގަ އެވެ. ސަރުކާރުން ރައްޔިތުންނަށް ފަސޭހަ ގޮތްތައް ހޯދައިދިނުމަށް ދެމުންދާ ސަމާލުކަން މިކަމުން ހާމަވެ އެވެ.

މި މުހިންމު ޚިދުމަތް ހަނިމާދޫގައި ޤާއިމުކުރުމަށްޓަކައި، ހަނިމާދޫ ކައުންސިލުން ވަނީ ސަރުކާރަށް ފުރިހަމައަށް އެއްބާރުލުން ދީފަ އެވެ. ޚިދުމަތް ދިނުމަށް ބޭނުންވާ ތަނާއި އެހެނިހެން ލޮޖިސްޓިކް އެހީތެރިކަން ކައުންސިލުން ފޯރުކޮށްދިނުމުގެ ސަބަބުން، މި މަސައްކަތް އަވަސްކޮށް، ރައްޔިތުންނާ ހަމައަށް މި ޚިދުމަތް އަވަހަށް ފޯރުކޮށްދިނުމަށް ވަނީ މަގުފަހިވެފަ އެވެ. މިކަމުން ދައްކުވައިދެނީ ސަރުކާރާއި ކައުންސިލް ގުޅިގެން ރައްޔިތުންނަށް ދެވޭ ޚިދުމަތްތައް ހަރުދަނާކުރުމަށް ކުރާ މަސައްކަތެވެ. 

މި ޚިދުމަތް ހަނިމާދޫގައި ފެށުމުގެ ސަބަބުން، ކުރިން އައިޑީ ކާޑު ހެދުމަށް ނުވަތަ ބަދަލުކުރުމަށް މާލެއަށް ނުވަތަ އެހެން ބޮޑެތި ރަށްރަށަށް ދަތުރުކުރަން ޖެހުމުގެ ދަތިކަން ވަރަށް ބޮޑަށް ހައްލުވެގެންދާނެ ކަމަށް ހަނިމާދޫ ރައްޔިތުން ބުނެ އެވެ. މިހާރު ރަށުގަ ތިބެގެން ކާޑު ލިބޭނެ އިންތިޒާމު ހަމަޖެހިފައިވުމުން، ދަތުރުފަތުރުގެ ހޭދަ ކުޑަވެ، ވަގުތު ސަލާމަތްވެ، މާލީ ގޮތުންނާއި ނަފްސާނީ ގޮތުން ވެސް ރައްޔިތުންނަށް ބޮޑު ފަސޭހައެއް ލިބިގެންދާނެ އެވެ. މިއީ ސަރުކާރުން ރާއްޖޭގެ އެކި ކަންކޮޅުތަކަށް ޚިދުމަތްތައް ލާމަރުކަޒީކުރުމަށް ކުރަމުންދާ މަސައްކަތުގެ އިތުރު ފިޔަވަޅެކެވެ.

ހދ. ހަނިމާދޫގައި އައިޑީ ކާޑު ޕްރިންޓްކޮށް ދޫކުރުމުގެ ޚިދުމަތް ފެށުން

ހދ.ހަނިމާދޫ ކައުންސިލުން، ރަށުގެ ފަތުރުވެރިކަމުގެ ވިޔަފާރި ތަރައްޤީކޮށް އިޤްތިޞާދީ ހަރަކާތްތައް ފުޅާކުރުމުގެ މަޤްޞަދުގައި، ޓޫރިޒަމް ޒޯން ނަންބަރ: 14 ކިޔާ ބިން، 50 (ފަންސާސް) އަހަރުގެ މުއްދަތައް ކުއްޔަށް ދިނުމުގެ އެއްބަސްވުމުގައި ސޮއެކޮށްފިއެވެ. މި އެއްްބަސްވުން އެރުވުނީ ބިޑްކުރުމުގެ ފުރުސަތު ހުޅުވާލައިގެން ކުރެވުނު އިޢުލާނަކަށްފަހު، އެ މަސައްކަތް ކާމިޔާބުކުރި 'ފައުނު އެންޓަރޕްރައިސިސް ޕްރައިވެޓް ލިމިޓެޑް' އާއެވެ. 

މި އެއްބަސްވުމުގައި ސޮއެއްކޮށްފައިވަނީ 02 އޮކްޓޯބަރ 2025 ވީ ބުރާސްފަތި ދުވަހުއެވެ. ކުއްޔަށް ދެވިފައިވާ ބިމަކީ 5000 (ފަސްހާސް) އަކަފޫޓުގެ ބިމެކެވެ. މި ބިން ކުއްޔަށް ދޫކުރެވިފައިވަނީ ފަތުރުވެރިކަމާއި ގުޅުންހުރި ވިޔަފާރި ހިންގުމަށެވެ.  

ހަނިމާދޫ ކަުއުންސިލުން މިފަދަ މަސައްކަތްތައް ހިންގަމުންދަނީ، ރަށްރަށުގެ ކައުންސިލްތައް ބާރުވެރިކުރުމާއި، ރަށުގެ އިޤްތިޞާދީ ތަރައްޤީއަށް ދުރު ރާސްތާގެ ފައިދާ ހޯދައިދިނުމުގެ ގޮތުންނެވެ. މިފަދަ މަޝްރޫޢުތަކަކީ ރަށުގެ ރައްޔިތުންނަށް ވަޒީފާގެ ފުރުސަތުތައް އުފައްދައި، ކައުންސިލްތަކަށް އާމްދަނީ އިތުރިކޮށްދޭނެ ކަންކަމެވެ. 

ޙާއްސަކޮން، ހަނިމާދޫގައި ޤާއިމްކުރެވޭ އައު އިންޓަނޭޝަނަލް އެއަރޕޯޓާއެކު، އުތުރުގެ ސަރަހައްދުގައި ފަތުރުވެރިކަމުގެ ހަރަކާތްތައް ފުޅާވެ، އެ ސަރަހައްދަށް އަންނަ ފަތުރުވެރިންގެ އަދަދު އިތުރުވާނެ ކަމަށް ލަފާކުރެވިފައެވެ. މިގޮތުން، މިފަދަ ވިޔަފާރިތަކަކީ އެއަރޕޯޓާއެކު އުފެދޭ ފުރުސަތުތަކުގެ ބޭނުން ހިފައި، ރަށުގެ ތަރައްޤީއަށް އިތުރު ބާރެއް ގެނެސްދޭނެ ކަމެއް ކަމަށް ހަނިމާދޫ ކައުންސިލުން ވަނީ ފާހަގަކޮށްފައެވެ. 

 ހަނިމާދޫ ކައުންސިލުން ޓޫރިޒަމް ޒޯން ނަންބަރު 14 ކުއްޔަށް ދިނުމުގެ އެއްބަސްވުމުގައި ސޮއެކުރުން.

ޑިޕާޓްމަންޓް އޮފް ނޭޝަނަލް ރެޖިސްޓްރޭޝަންގ އާއި ހދ.ހަނިމާދޫ ކައުންސިލާ އައި.ޑީ.ކާޑު ޕްރިންޓަރ ޙަވާލު ކުރަންވެވޭ އެއްބަސްވުން

ޑިޕާޓްމަންޓް އޮފް ނޭޝަނަލް ރެޖިސްޓްރޭޝަންގ އާއި ހދ.ހަނިމާދޫ ކައުންސިލަ އައި.ޑީ.ކާޑު ޕްރިންޓަރ ޙަވާލު ކުރަންވެވޭ އެއްބަސްވުން

FSM ތެޔޮބިން ލޮކޭޝަން އިން ކައުންސިލާއި އެކު ބައްދަލުކުރެއްވުން 

ފިއުލް ސަޕްލައި މޯލްޑިވްސް އާއި އެކު ހަނިމާދޫ ކައުންސިލް ބައްދަލުކުރެއްވުން 

ސަރުކާރުން ހިންގާ 20 އަހަރު ދުވަަހުގެ ތަރައްްޤީގެ ޕްލޭންތައް ތައްޔާރު ކުރުމަށް ސަރުކާރުން ޙަވާލު ކޮށްފައިވާ ފަރާތުން ބޭއްވުމަށް ބޭނުންވާ ރައްޔިތުންގެ މަޝްވާރާ ބައްދުލުވުން ”ކުރިމަގުސައްލާ“.

ތިލަދުންމަތީ ދެކުނުބުރީ ހަނިމާދޫ ކައުންސިލްގެ އިދާރާ

1024

215

33

09

ކައުންސިލް ބައްދަލުވުން

ޙަބަރު

ގުޅުއްވުމަށް

ޑައުންލޯޑްސް

ޑައިރެކްޓަރީ

އިއުލާން

1024

215

33

09

އިއުލާން

ޑައިރެކްޓަރީ

ޙަބަރު